Tími Amargi genginn í garð. (Endurgreiðsla sóknargjalda)

Kæru Zúistar nú er tími hins mikilvæga helgisiðs Amargi genginn í garð.
Zúistum er bent á að heimsækja zuism.is/amargi og fylla út formið sem þar er að finna.

Einn af helgisiðum Zúista felur í sér niðurfellingu og endurgreiðslu á sóknargjöldum til meðlima.
Súmerar til forna voru með elsta skattkerfi sem skrár eru til um, kerfið kallaðist Bala kerfið og skatturinn nefndist byrði.
Súmerar gerðu sér einnig grein fyrir hættunni sem stafar af mikilli skuldasöfnun í hagkerfum og reglulega voru allar skuldir niðurfelldar og byrjað upp á nýtt. Í Súmeríu kallaðist þessi siður Amargi.

Amargi (Endurgreiðsla sóknargjalda)

Zuism ætlar að endurgreiða sóknargjöld til meðlima sinna í ár og mun verða sérstakt umsóknarform á heimasíðu félagsins. Við stefnum á að opna fyrir umsóknir 1. Nóvember næstkomandi.

Hér eru smá upplýsingar um þennan trúarsið okkar sem við köllum Amargi:

Einn af helgisiðum Zúista felur í sér niðurfellingu og endurgreiðslu á sóknargjöldum til meðlima.
Súmerar til forna voru með elsta skattkerfi sem skrár eru til um, kerfið kallaðist Bala kerfið og skatturinn nefndist byrði.
Súmerar gerðu sér einnig grein fyrir hættunni sem stafar af mikilli skuldasöfnun í hagkerfum og reglulega voru allar skuldir niðurfelldar og byrjað upp á nýtt. Í Súmeríu kallaðist þessi siður Amargi.

Aðalfundur Zuism 2018

Aðalfundur Zuism verður haldinn Föstudaginn 14. September 2018 kl: 13:00 í Borgartúni 22, þriðju hæð.
Á aðalfundi skulu fara fram öll venjuleg aðalfundarstörf; Lesið upp skýrslu stjórnar og önnur mál.

Zuism sækir um lóð í Reykjavík

Trúfélagið Zuism hefur lagt fram lóðarumsókn til Reykjavíkurborgar. Með umsókninni fylgja teikningar af fyrirhuguðu musteri sem Zúistar vilja byggja í nálægð við miðborg Reykjavíkur. Zuism er eitt stærsta trúfélag Íslands, með yfir tvö þúsund meðlimi, samkvæmt nýjustu tölum frá Þjóðskrá. Zuism byggir á súmerskum trúabrögðum sem eru hin elstu í heimi og flest önnur trúarbrögð byggja á.

Félagið hefur vaxið mikið á síðustu 2-3 árum og þörfin fyrir húsnæði undir bæði starfsemi og athafnir orðin aðkallandi. Mikilvægt er að félagið hafi gott heimili til að geta haldið áfram að vaxa og dafna sem og sinnt þeim mikla fjölda meðlima sem er nú þegar í félaginu. Eins og staðan er í dag á félagið ekkert safnaðarheimili og ekkert um fáanlegar eignir sem henta félaginu. Talsvert er spurt um að koma á athöfnum og viðburðum og komast mun færri að vegna skorts á aðstöðu.

Einn helsti guð Zúista er Enlil og er hann guð lofts og jarðar. Zigguratið mun heita í höfuð á hans helsta musteri sem hét Ekur. Þýðing á nafninu þýðir fjallahof og er eitt af helgustu hofum Súmera þar sem Ekur táknar miðja jarðar þar sem helgistaður guðanna og jörð mætist. Samkvæmt teikningum mun byggingin vera á tveimur hæðum ásamt hofi ofan á annari hæð. Stór stigi mun vera alla leiðina frá jörðu upp að hofinu. Hofið er helgasti staður Zúista og þar geta farið fram athafnir svo sem giftingar, skírnir og tilbiðjanir. Einnig er einn vinsælasti viðburður Zúista bjór og bæn þar sem gyðjan Ninkasi er heiðruð með lestri á ljóði sem er einnig elsta bjóruppskrift í heimi.

Stjórn Zuism vinnur nú með verkfræðingum, byggingarvertökum og hönnuðum til að fá sem nákvæmasta kostnaðaráætlun og hönnun að byggingunni. ,,Við trúum á að nákvæmni og góður undirbúningur muni koma í veg fyrir tafir og hindranir. Allar áætlanir og teikningar eru unnar að fagaðilum. Endanlegaur kostnaður verksins ræðst þó að nokkru leyti af staðsetningu Zigguratsins. Eftir mikinn vöxt á félaginu árið 2015 ákvað stjórnin að stofna sérstakan Zigguratsjóð sem heldur utan um fjármál tengd uppbyggingu og viðhaldi byggingunnar. Frá og með 2018 mun meðlimum vera boðið að sóknargjöldin renni til Zigguratsjóðsins og einnig styrkja hann og efla ennþá meira.

Bjór og Bæn

Einn okkar vinsælasti viðburður er Bjór og Bæn. Þá hittast Zuistar og fá sér bjór og fara með ljóð um Bjórgyðjuna Ninkasi. Einnig er gaman að nefna að ljóðið er einnig elsta bjóruppskrift í heiminum og því vel við hæfi að skála við það.

Hér er allt ljóðið á ensku (unnið er að Íslenskri þýðingu) fyrir þá sem vilja kynna sér siði Zuism betur og fara með bæn með bjórnum:

Hymn to Ninkasi

Borne of the flowing water,
Tenderly cared for by the Ninhursag,
Borne of the flowing water,
Tenderly cared for by the Ninhursag,

Having founded your town by the sacred lake,
She finished its great walls for you,
Ninkasi, having founded your town by the sacred lake,
She finished it’s walls for you,

Your father is Enki, Lord Nidimmud,
Your mother is Ninti, the queen of the sacred lake.
Ninkasi, your father is Enki, Lord Nidimmud,
Your mother is Ninti, the queen of the sacred lake.

You are the one who handles the dough [and] with a big shovel,
Mixing in a pit, the bappir with sweet aromatics,
Ninkasi, you are the one who handles the dough [and] with a big shovel,
Mixing in a pit, the bappir with [date] – honey,

You are the one who bakes the bappir in the big oven,
Puts in order the piles of hulled grains,
Ninkasi, you are the one who bakes the bappir in the big oven,
Puts in order the piles of hulled grains,

You are the one who waters the malt set on the ground,
The noble dogs keep away even the potentates,
Ninkasi, you are the one who waters the malt set on the ground,
The noble dogs keep away even the potentates,

You are the one who soaks the malt in a jar,
The waves rise, the waves fall.
Ninkasi, you are the one who soaks the malt in a jar,
The waves rise, the waves fall.

You are the one who spreads the cooked mash on large reed mats,
Coolness overcomes,
Ninkasi, you are the one who spreads the cooked mash on large reed mats,
Coolness overcomes,

You are the one who holds with both hands the great sweet wort,
Brewing [it] with honey [and] wine
(You the sweet wort to the vessel)
Ninkasi, (…)(You the sweet wort to the vessel)

The filtering vat, which makes a pleasant sound,
You place appropriately on a large collector vat.
Ninkasi, the filtering vat, which makes a pleasant sound,
You place appropriately on a large collector vat.

When you pour out the filtered beer of the collector vat,
It is [like] the onrush of Tigris and Euphrates.
Ninkasi, you are the one who pours out the filtered beer of the collector vat,
It is [like] the onrush of Tigris and Euphrates.

Zúistar og jólin

Hefðirnar sem við erum umlukin hver jól byrjuðu í elstu siðmenningu sem þekkt er, hjá Súmerum í Súmeríu og hafa þróast í gegnum aldirnar.

Dumuzi (Dumuzid / Tammuz) var kallaður “guð hirðanna” meðal fornSúmera. Ungi guðinn átti í ástarsambandi við gyðjuna Inanna. Seinna, eftir fræga för Inanna til undirheimana, frelsar Dumuzi hana með því að taka hennar stað. Hann er hins vegar upprisinn ár hvert í sex mánuði og sýnir með því að undirheimarnir geta verið sigraðir. Dagur upprisu hans er á vetrarsólstöðunni (21. desember) á hverju ári. Síðan deyr hann aftur á sumarsólstöðunni og byrjar ferlið aftur. Hann var álitinn Guð bæði hirða og gróðurs. Þannig voru grenitré oft notuð til að heiðra hann á vetrarsólstöðunni, vegna þess að þau deyja ekki á veturna og tákna sigur lífsins yfir dauðanum.

12 dagar jólanna eru komnir frá bardaga og sigri Marduk á guðum myrkursins. Að gefa jólagjafir er einnig hefð sem byrjaði í Súmeríu. Á hátíðahöldunum héldu merarnir stórar skrúðgöngur, sendu hverjum öðrum heillaóskir og skiptust á gjöfum. Síðar notuðu Grikkir vetrarsólstöðuna til hátíðahalda sem heiðruðu sigur Zeus á Kronos og Titans. Rómverjar fögnuðu einnig Saturnalia og trú sinni á Mithraism. Það var stærsta hátíð ársins og allir gáfu hvor öðrum gjafir.

Þessar hefðir og fleiri í tengslum við nótt dauða og endurfæðingu sólarinnar dreifðust víða um heim, þar á meðal til Íslands.

Gleðilega hátið

Zuism styrkir Kvennaathvarfið um eina milljón króna

Trúfélagið Zuism afhenti í morgun eina milljón króna til Kvennaathvarfsins. Styrkurinn er hluti af þeirri upphæð meðlima Zuism sem völdu að láta sóknargjöld sín renna til góðra málefna.

,,Þetta er ákfalega kærkominn styrkur og mun nýtast Kvennaathvarfinu og okkar skjólstæðingum mjög vel. Þessi styrkur mun fara í að bæta lífsgæði þeirra kvenna sem hingað leita og auka sérfræðiþjónustu sem er mjög mikilvægt,” segir Sigþrúður Guðmundsdóttir, framkvæmdastýra Kvennaathvarfsins.

Zuism hefur þegar styrkt Barnaspítala Hringsins um 1,1 milljón til tækjakaupa og neyðarsjóð UNICEF með 300 þúsund króna framlagi. Ágúst Arnar Ágústsson, forstöðumaður Zuism, segir að trúfélagið muni halda áfram að styrkja önnur góðgerðarmálefni á næstu misserum. Zuism er eina trúfélag landsins sem leyfir sóknarbörnum að ráðstafa sínum sóknargjöldum.

Ágúst Arnar Ágústsson, forstöðumaður Zuism, afhenti Sigþrúði Guðmundsdóttur, framkvæmdastýru Kvennaathvarfsins, styrk frá trúfélaginu að upphæð einni milljón króna í morgun

Zúistar búnir að endurgreiða sóknargjöldin

Trúfélagið Zuism hefur endurgreitt meðlimum sínum að fullu sóknargjöld þeirra fyrir síðustu tvö ár. Allir meðlimir, sem sóttu um endurgreiðsluna, fengu greiddar 19.976 kr.

,,Meðlimum var einnig boðið að láta sóknargjöldin renna til góðgerðarmála og voru í kringum 7% sem völdu þann möguleika. Félagið hefur nú í framhaldinu sett til hliðar um það bil 2,5 milljónir kr. sem verður ráðstafað til góðgerðamála. Félagið mun uppfæra þá meðlimi, sem völdu að gefa sóknargjöldin sín, um það hvert þeir fjármunir koma til með að renna,” segir Ágúst Arnar Ágústsson, forstöðumaður Zuism.

Ágúst segir að Zúistar stefni á að halda áfram að endurgreiða sóknargjöldin á næsta ári og halda áfram að styrkja góð málefni.
,,Einnig mun Zuism bjóða meðlimum sínum upp á náms- og bókastyrki á komandi ári. Við hvetjum fólk til að skrá sig í Zuism og eru leiðbeiningar inn á Zuism.is/skraning.”

Zúistar hefja endurgreiðslur á sóknargjöldum upp úr miðjum nóvember

Trúfélagið Zuism mun hefja endurgreiðslur á sóknargjöldum til meðlima félagsins upp úr miðjum nóvember mánuði. Ágúst Arnar Ágústsson, forstöðumaður Zuism, segir að umsóknarfrestur sé til 15. nóvember og stefnt sé að því að greiða tveimur dögum eftir að honum lýkur.

,,Eftir langa bið og mikla baráttu er loksins komið að því að Zúistar geti fengið endurgreiðslu á sóknargjöldum. Meðlimum er einnig boðið að láta sóknargjöldin renna til góðgerðarmála. Zuism hefur nú þegar styrkt Barnaspítala Hringsins um 1,1 milljón til tækjakaupa. Félagið styrkti einnig neyðarsjóð UNICEF með 300 þúsund króna framlagi í fyrradag og mun halda áfram að styrkja önnur góðgerðarmálefni á næstu misserum. Zuism er eina trúfélag landsins sem leyfir sóknarbörnum að ráðstafa sínum sóknargjöldum. Við hvetjum fólk til að skrá sig í félagið fyrir 1. desember því stefnt er að því að endurgreiðslur muni halda áfram á næsta ári,” segir Ágúst.

Nánari upplýsingar er að finna á zuism.is

Zuistar afhentu 1,1 milljón króna til Barnaspítala Hringsins

Trúfélagið Zuism afhenti í dag 1,1 milljón króna til styrktar Barnaspítala Hringsins. Stjórn Zuism ákvað að láta upphæð að andvirði sóknargjalda þeirra sem sagt hafa sig úr félaginu að undanförnu renna í þetta góða málefni.

,,Við erum stolt af því að fyrsti styrkur Zuism til Barnaspítala Hringsins sé orðinn að veruleika og vonum að þeir geti orðið fleiri í framtíðinni með hjálp félagsins. Ákveðið var að styrkja Barnaspítalann að upphæð 1.100.000 kr. til tækjakaupa á búnaði til að auðvelda nálaísetningar hjá ungum börnum fyrir bráðamóttöku. Mikið var spurt um hvað yrði um sóknargjöld þeirra sem sögðu sig úr félaginu. Í staðinn fyrir að láta þá fjármuni renna til reksturs félagsins ákvað stjórnin að láta þá renna til Barnaspítala Hringsins. Við þökkum stuðninginn frá meðlimum félagsins og vonumst til að geta haldið áfram uppbyggingu í samfélaginu með þeirra aðstoð,” segir Ágúst Arnar Ágústsson, forstöðumaður félagsins.

Ágúst segir ennfremur að félaginu hafi borist mikið af baráttukveðjum og góðum hugmyndum á síðustu dögum. ,,Það er gaman að sjá fleiri meðlimi taka virkan þátt í umræðunni. Félagið vill endilega hvetja þá meðlimi sem vilja koma að starfsemi félagsins á einhvern hátt að hafa samband i gegnum heimasíðu félagsins zuism.is,” segir hann.